काठमाडौं । थाइल्यान्डको बैंककमा बहुक्षेत्रीय प्राविधिक तथा आर्थिक सहयोगका लागि बंगाल खाडीको प्रयास (बिम्स्टेक)को विदेशमन्त्रीस्तरीय ‘रिट्रिट’ बैठक सम्पन्न भएको छ ।

सोमबार सम्पन्न बैठकमा बिम्स्टेक सदस्य राष्ट्र नेपाल, भारत, भुटान, बंगलादेश, श्रीलंका, म्यानमार र थाइल्यान्डका विदेशमन्त्री सहभागी भएका थिए ।

“बैंककमा हामी बिम्स्टेक सदस्य राष्ट्रका विदेशमन्त्रीहरूले आपसी सहयोगलाई सुदृढ पार्ने उपायहरूमा फलदायी छलफल गरेका छौँ,” बैठकमा सहभागी परराष्ट्रमन्त्री एनपी साउदले भने, “ऊर्जा, प्रसारणलाइन विस्तार, जलवायु परिवर्तन, स्वास्थ्य र खाद्य सुरक्षा र प्रविधि हाम्रो छलफलका प्रमुख क्षेत्रहरू थिए ।”

बिम्स्टेकको विदेशमन्त्रीस्तरीय रिट्रिटमा सहभागी हुन गएको आइतबार परराष्ट्रमन्त्री साउद बैंकक गएका थिए ।

बैंककमा परराष्ट्रमन्त्री साउद र भारतीय विदेशमन्त्री एस. जयशंकरबीच ‘साइडलाइन’ वार्ता हुने कार्यक्रम पनि छ । परराष्ट्रमन्त्री साउद आउँदो मंगलबार स्वदेश फर्कने कार्यक्रम छ ।