काठमाडौं । उच्च अदालत पोखराबाट बालिका बलात्कार मुद्दामा अभिनेता पल शाहलाई सफाइ दिने गरी भएको आदेशको पूर्णपाठ सार्वजनिक भएको छ । 

उच्च अदालतका न्यायाधीशद्वय डिल्लीराज आचार्य र श्रीधरा कुमारी पुडासैनीको इजलासले पललाई गएको फागुन १४ गते सफाइ दिएको थियो ।

३१ पृष्ठको पूर्णपाठमा पीडितले नै प्रतिवादीबाट आफूमाथि कुनै प्रकारको यौन दुरुपयोग नभएको बकपत्र गरेका जबरजस्ती करणी भन्न नमिल्ने उल्लेख छ । पूर्णपाठमा उल्लेख भएअनुसार उनले बुवाले अरूको उक्साहटमा पलविरुद्ध जाहेरी दिएको पनि बताएकी छन् । 

"निज निर्दाेष छन् भन्ने समेत बेहोराबाट बकपत्रमा गरेको देखिन्छ । यसरी जो व्यक्ति पीडित भयो भनी जाहेरी दरखास्त परेको छ र आफू जबरजस्ती करणीको वारदातमा परी पीडित भएको भनी मौकामा कागज गर्दछिन् उनै व्यक्तिले अदालतमा उपस्थित भई आफू पीडित होइन, मेरो बुवाले अरूको उक्साहटमा जाहेरी दिएको र प्रतिवादीबाट कुनै प्रकारको यौन दुरुपयोग नभएको भनी सुरु अदालतमै व्यक्त जाहेरवाला निज पीडितकै पिता र नाबालिकाले बकपत्र गरेको स्थितिमा अभियोग दाबी बमोजिमको जबरजस्ती करणीको वारदात भएको भन्न मिल्ने देखिएन," आदेशको पूर्णपाठमा भनिएको छ ।

हेर्नुहोस् पूर्णपाठ :