काठमाडौं । न्याय परिषद्को बैठक आज बस्दै छ । न्यायाधीश सिफारिसको एजेन्डासहित प्रधानन्यायाधीश हरिकृष्ण कार्कीको नेतृत्वमा पहिलो बैठक बस्न लागेको हो ।

न्यायाधीश सिफारिसका लागि बैठक बस्न लागेको परिषद्का प्रवक्ता मानबहादुर कार्कीले जानकारी दिए । बैठकबाट जिल्ला, उच्च र सर्वोच्च अदालत समेतमा न्यायाधीश नियुक्तिका लागि सिफारिस हुन सक्ने उनले बताए ।

“बैठकको एजेन्डा न्यायाधीश सिफारिस रहेको छ । कुन–कुन अदालतका न्यायाधीश सिफरिस हुन्छन् भन्ने अहिले नै भन्न सकिँदैन,” उनले बाह्रखरीसित भने ।

कार्कीका अनुसार सर्वोच्चमा ६ न्यायाधीश सिफारिस गर्न सकिनेछ । उच्च अदालतमा ६ मुख्यसहित ४१ न्यायाधीशको पद रिक्त छ । जिल्ला अदालतमा ३५ न्यायाधीशको पद रिक्त छ ।