काठमाडौं । अमेरिकी राष्ट्रपति जो बाइडेनले चिनियाँ राष्ट्रपति सी चिनफिङलाई 'तानासाह' भनेका छन् ।

गत आइतबार र सोमबार अमेरिकी विदेशमन्त्री एन्टोनी ब्लिन्केनले बेइजिङको भ्रमणका गरेका थिए । त्यहाँ उनले आफ्ना समकक्षी एवं उच्च अधिकारीहरूसँग भेटवार्ता गरेका थिए ।

त्यसको एकदिनपछि मंगलबार क्यालिफोर्नियामा आयोजित एक कार्यक्रममा बाइडेनले चिनियाँ राष्ट्रपति सीलाई 'तनाशाह' भनेका हुन् ।

अमेरिकाले कथित चिनियाँ जासुसी बेलुनलाई गोली हानेपछि सी लज्जित भएको बाइडेनको  गरेका छन् ।

''सी चिनफिङ धेरै रिसाउनुको कारण जब मैले जासुसी उपकरणले भरिएको दुईवटा बक्स रहेको बेलुनलाई गोली हानेको थिएँ, त्यतिबेला बेलुन कहाँ छ भन्ने उनलाई थाहा थिएन,'' बाइडे‍नको भनाइ छ । 

बाइडेनले अगाडि भनेका छन्, ''तानासाहहरूका लागि के भयो भन्ने थाहा नहुनु ठुलो लज्जाको कुरा हो ।''

गत फेब्रुअरीमा अमेरिकी सैन्य विमानले कथित चिनियाँ जासुसी बेलुनलाई खसालेको थियो । चीनले भने त्यो मौसमी तथ्यांक संकलन गर्ने बेलुन भनेको थियो ।

चीनको विदेश मन्त्रालयकी प्रवक्ता माओ निङले बाइडेनको टिप्पणी 'बेतुक र गैरजिम्मेवारपूर्ण' रहेको प्रतिक्रिया दिएकी छन् ।

बुधबार नियमित पत्रकार सम्मेलनमा बोल्दै उनले यस्ता टिप्पणीहरू कूटनीतिक शिष्टाचारको उल्लङ्घन गर्ने 'खुला राजनीतिक उत्तेजना' भएको बताएकी छन् ।

बीबीसीबाट ।