काठमाडौं । नेपाली राष्ट्रिय क्रिकेट टिमले विश्वकप छनोटको तयारी पूरा गरेको छ । जिम्बाब्वेमा हुने छनोटका लागि नेपालीको तयारी पूरा भएको हो ।

विश्वकप छनोटमा सहभागी १० टिम दुई समूहमा विभाजित छन् । समूह ‘ए’ मा रहेको नेपालसँगै घरेलु टिम जिम्बाब्वे, अमेरिका, वेस्ट इन्डिज र नेदरल्यान्ड्स छन् ।

समूह ‘बी’ का आयरल्यान्ड, श्रीलंका, यूएई, ओमान र स्कटल्यान्ड छन् ।

नेपालले जिम्बाब्वेविरुद्ध असार ३ गते, अमेरिकाविरुद्ध असार ५ गते, वेस्ट इन्डिजविरुद्ध असार ७ गते र नेदरल्यान्ड्सविरुद्ध असार ९ गते खेल्नेछ ।