काठमाडौं । स्पेनिस क्लब रियाल मड्रिडले इंग्ल्यान्डका मिडफिल्डर जुड बेलिंघमसँगको सम्झौता प्रकृया पूरा गरेको छ ।

रियालले बेलिंघम लाई जर्मन क्लब बोरुसिया डर्टमन्डबाट ६ वर्षको सम्झौतासहित अनुबन्ध गरेको हो । रियालले बेलिंघमलाई १०३ मिलियन युरोमा अनुबन्ध गरेको हो । बर्मिंघम सिटीबाट करियरको सुरुआत गरेका बेलिंघमलाई रियालले बिहीबार एक कार्यक्रमकाबीच सार्वजनिक गर्नेछ ।

बुन्डेसलिगामा यो सिजनकै सर्वोत्कृष्ट खेलाडी चयन भएका बेलिंघमले विश्वकपमा पनि इङ्ल्यान्डको टिमबाट उत्कृष्ट प्रदर्शन गरेका थिए । बेलिंघमलाई रियाल मड्रिडले क्लबको इतिहासमा दोस्रो सर्वाधिक रकममा अनुबन्ध गरेको हो । यसअघि रियालले सन् २०१९ मा चेल्सीबाट इडेन हाजार्डलाई भित्र्याउँदा ११५ मिलियन युरो खर्चेको थियो ।

यस सिजन डर्टमन्डबाट ४२ खेल खेलेका बेलिंघमले १४ गोल र सात असिस्ट गरेका थिए ।