site stats
बाह्रखरी :: Baahrakhari
देश
Global Ime bankGlobal Ime bank
सीता दाहाललाई किन अस्पताल भर्ना गरिएको थियो ?

काठमाडौं । लामो समयदेखि अचेत अवस्थामा रहेकी प्रधानमन्त्री पुष्पकमल दाहाल 'प्रचण्ड' पत्नी सीता दाहाललाई सोमबार दिउँसो नर्भिक अस्पताल पुर्‍याइएपछि उनको अवस्था गम्भीर भएको धेरैको आकलन थियो ।

उनलाई सोमबार दिउँसो ३:४० बजे अस्पताल पुर्‍याइएको थियो । झन्डै डेढ घण्टा अस्पतालको सुपरडिलक्स बेड (५०१) मा राखेर उनको स्वास्थ्यजाँच गरिएको थियो । 

साथमा गएका प्रधानमन्त्री दाहालको पनि स्वास्थ्य परीक्षण गरियो । परीक्षणका क्रममा प्रधानमन्त्रीको स्वास्थ्य अवस्था सामान्य देखिएको अस्पतालले जनाएको छ ।

Dabur Nepal
NIC Asia

सीतालाई भने के भएको थियो ? 

प्रधानमन्त्रीपत्नी सीता लामो समयदेखि प्रोग्रेसिभ सुपरान्युक्लियर पाल्सी (पीएसपी) नामक रोगबाट थलिएकी छन् । छोरा प्रकाशको मृत्युपछि उनी यही समस्याका कारण अचेत अवस्थामा छिन् । 

पिसाब निस्कासनका लागि उनको पिसाबथैलीसम्म जोडेर कृत्रिम नली (युरिनरी क्याथेटर) राखिएको छ । प्रधानमन्त्रीका निजी चिकित्सक डा. युवराज शर्माका अनुसार सोमबार सोही नलीको अवस्थाबारे परीक्षणका लागि अल्ट्रासाउन्ड गरिएको थियो । 

अल्ट्रासाउन्डले पिसाब प्रक्रियामा कुनै समस्या नदेखाएको डा. शर्मा बताउँछन् । “उहाँको नियमित फलोअप नै हो, बाहिर आएजस्तो अवस्था गम्भीर वा जटिल भएर ल्याइएको होइन, जस्तो पुरानो अवस्था थियो अहिले पनि उहाँको स्वास्थ्य त्यस्तै छ,” डा. शर्माले बाह्रखरीसित भने । 

परीक्षणका क्रममा उनको कल्चर परीक्षण गरिएको र यसको रिपोर्ट भने शुक्रबार मात्रै आउने उनले बताए । 

सीतालाई देखिएको पीएसपी नसासम्बन्धी एक प्रकारको दुर्लभ समस्या हो । जसले मस्तिष्कका कोषहरूलाई विनाश गर्दै लैजान्छ । यस रोगले व्यक्तिलाई शरीर र मस्तिष्क दुवै चल्न नसक्ने अवस्थामा पुर्‍याउँछ । 

Laminar Tiles Banner adLaminar Tiles Banner ad
NIBLNIBL
प्रकाशित मिति: मंगलबार, जेठ ३०, २०८०  १४:३८
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro