काठमाडौं । लामो समय वर्षा नभएसँगै काठमाडौं उपत्यकाको वायु अस्वस्थकर बनेको छ । उपत्यकाका प्रमुख बजार क्षेत्रमा प्रदूषणको मात्रा एक सय एक्यूआईभन्दा माथि पुगेको छ ।

वायु प्रदूषणसम्बन्धी अन्तर्राष्ट्रिय मापक निकाय आईक्यू एयरको सोमबार दिउँसो १२ः४५ बजे को रेकर्ड अनुसार काठमाडौंको अमेरिकी एम्बेसी नजिकैको वायुको ११० यूएस एक्यूआई छ ।

त्यस्तै, कालीमाटी क्षेत्रमा १०६, भक्तपुरको सल्लाघारी क्षेत्रमा ११२ तथा ललितपुरको भैँसेपाटी क्षेत्रमा १०२ यूएस एक्यूआई देखिएको छ ।

विश्व स्वास्थ्य संगठनले ५० एक्यूआईसम्म रहेको वायुलाई स्वस्थकर मान्दै आएको छ । ५० देखि १०० सम्मको हावालाई मध्यम, १०० देखि १५० सम्म पुगे रोग प्रतिरोध क्षमता कम भएका व्यक्तिका लागि अस्वस्थकर तथा सोभन्दा माथि भए सबैका लागि घातक हुने जनाएको छ ।