काठमाडौं । सामाजिक सञ्जाल कम्पनी ट्विटरको विश्वसनीयता र सुरक्षा प्रमुख एला इरविनले राजीनामा दिएकी छन् ।

सन् २०२२ को जुनमा ट्विटरमा काम सुरु गरेकी इरविनले गत नोभेम्बरदेखि ट्रस्ट एन्ड सेफ्टी प्रमुखको जिम्मेवारी सम्हालेकी थिइन् ।

ट्विटरमा विज्ञापन दाताहरुले समेत विज्ञापन कम दिन थालेका बेला इरविनले राजीनामा दिएकी हुन् ।

केही दिनअघि मस्कले ट्विटरको नयाँ सीईओमा एनबीसीकी पूर्वयुनिभर्सल विज्ञापन प्रमुख लिन्डा याकारिनोलाई नियुक्त गरेको घोषणा गरेका थिए ।