site stats
बाह्रखरी :: Baahrakhari
खेल
Global Ime bankGlobal Ime bank
पाचौँ स्थानमा उक्लियो मनाङ 

काठमाडौं । रोशन रानामगरको निर्णायक गोलप्रेरित मनाङ मर्स्याङदी क्लबले सहिद स्मारक ‘ए’ डिभिजन लिगमा रेलिगेसन क्षेत्रमा संघर्षरत फुटबल क्लब खुमलटारविरुद्ध १–० को कठिन जित निकालेको छ ।

बिहीबार त्रिपुरेश्वरस्थित दशरथ रंगशालामा सम्पन्न खेलमा रोशनले इन्जुरी समयमा पेनाल्टी बक्स बाहिरबाट उत्कृष्ट गोल गरेका थिए । यही गोल निर्णायक बन्दा मनाङले महत्त्वपूर्ण तीन अंक निश्चित गर्‍यो । 

त्यसअघि ५५औँ मिनेटमा एलन थापा पेनाल्टीमा चुक्नु खुमलटारको लागि महँगो सावित बन्यो । एलनको प्रहारलाई मनाङका गोलकिपर दीप कार्कीले बचाएका थिए ।

स्यामु मुर्मुलाई मनाङका रमेश थापाले १८ यार्ड बक्सभित्र लडाएपछि खुमलटारले पेनाल्टीको अवसर पाएको थियो ।

जितसँगै २३ खेलमा ३१ अंक जोडेको मनाङ पाँचौँ स्थानमा उक्लिएको छ । समान खेलबाट २४ अंक जोडेको खुमलटार तालिकाको पुछारमा छ । 

आजको खेलमा विदेशी खेलाडीसँगको श्रम सम्झौता समाप्त भएका कारण खुमलटार कुनै पनि विदेशी खेलाडीबिना नै मैदान उत्रिएको थियो । मनाङको टिममा पनि साहिद अजिज, डियावान्डोउ डियाग्ने र कोफी काउडो थिएनन् ।

प्रकाशित मिति: बिहीबार, जेठ १८, २०८०  २१:४७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro