काठमाडौं । साविक विजेता नेपालले सेन्ट्रल एसियन भलिबल एसोसिएसन (काभा) महिला भलिबल च्यालेन्ज कप–२०२३ मा तेस्रो स्थान हासिल गरेको छ । आइतबार भएको तेस्रो स्थानको खेलमा उज्वेकिस्तानलाई ३–१ को सेटमा हराउँदै नेपाल तेस्रो भएको हो ।

त्रिपुरेश्वरस्थित राष्ट्रिय खेलकुद परिषद (राखेप) कभर्डहलमा सम्पन्न खेलको पहिको सेट भने उज्वेकिस्तानले जितेको छ । पहिलो सेट २०–२५ ले गुमाएको नेपालले त्यसपछिका लगातार तीन सेट जित्दै तेस्रो स्थान पक्का गरेको हो । 

नेपालले दोस्रो सेट २५–१६, तेस्रो सेट २५–१५, चौथो सेट २५–१३ ले जितेको थियो ।

समूह ुएु बाट उपविजेताको रुपमा सेमिफाइनल प्रवेश गरेको नेपाल काजकिस्तानसँग पराजित भएपछि उपाधि होडबाट बाहिरिएको थियो । नेपाल यसअघि यो प्रतियोगिताको लगातार दुई संस्करणको उपाधि जितेको थियो ।

प्रतियोगिताको फाइनल खेल पनि आजै हुँदै छ । भारत र काजकिस्तानबीचको उपाधि भिडन्त अपरान्ह ४ बजेदेखि सुरु हुनेछ । 

आठ राष्ट्रले प्रतिस्पर्धा गरिरहेको प्रतियोगिताको समूह ‘ए’मा नेपाल, कीर्गिस्तान, भारत र बंगलादेश थिए । यस्तै, समूह ‘बी’मा उज्वेकिस्तान, श्रीलंका, माल्दिभ्स र काजकिस्तान थिए ।