site stats
बाह्रखरी :: Baahrakhari
राजनीति
आरजु देउवा र मञ्जु खाँण संलग्नताको प्रमाण जुटाउँदै प्रहरी 

काठमाडौं । नक्कली शरणार्थी प्रकरणमा ‘नाम मुछिएका’ कांग्रेस सभापति शेरबहादुर देउवा पत्नी आरजु राणा र पक्राउ परेका पूर्व गृहमन्त्री बालकृष्ण खाँण पत्नी मञ्जु खाँणको संलग्नताबारे प्रहरीले अनुसन्धान थालेको छ ।

प्रहरी उच्च स्रोतले दिएको जानकारीअनुसार सार्वजनिक भएको अडियो प्रकरणलाई नजिकबाट अनुसन्धान थालिएको छ भने त्यसमा नाम लिइएका दुई सांसद आरजु राणा देउवा र मञ्जु खाँणको संलग्नताबारे प्रमाण जुटाउने प्रयास गरिएको छ ।

Argakhachi Cement Island Ad

“आरजु देउवा र मञ्जु खाँणको पनि नाम जोडिएर आएको छ,” प्रहरी उच्च स्रोतले भन्यो, “सार्वजनिक भएको अडियोमा दुवैजनालाई रकम दिइएको उल्लेख छ । त्यसको प्रमाण जुटाउने काम भइरहेको छ ।”

उनीहरु पनि दोषी देखिए पक्राउ गर्न सक्ने प्रहरी अधिकारीको धारणा छ ।

“दोषी देखिएमा उनीहरु पनि पक्राउ पर्न सक्छन्,” प्रहरी स्रोतले भन्यो, “अहिले अनुसन्धान भइरहेको छ ।” सार्वजनिक भएको एक अडियोमा नक्कली शरणार्थी प्रकरणमा आरजु राणा र मञ्जु खाँणको नाम लिइएको छ ।
 

प्रकाशित मिति: बुधबार, वैशाख २७, २०८०  ११:०१
प्रतिक्रिया दिनुहोस्