काठमाडौं । नेपाल राष्ट्र बैंकले ६८औँ वार्षिकोत्सवको अवसरमा हिमालयन बैंक लिमिटेडलाई सम्मान गरेको छ ।

वाणिज्य बैंकहरूमध्ये सबैभन्दा बढी विप्रेषण भित्र्याउन सफल भएकोमा हिमालयन बैंकलाई सम्मान गरिएको हो ।  

नेपाल राष्ट्र बैंकका गर्भनर महाप्रसाद अधिकारीले हिमालयन बैंकका प्रमुख कार्यकारी अधिकृत अशोक शमशेर राणालाई प्रशंसापत्र हस्तान्तरण गरेका थिए ।

हिमालयन बैंक आर्थिक वर्ष २०७८/७९ मा देशमा भित्रिएको कुल विप्रेषणको १६.९० प्रतिशत रकम भित्र्याउन सफल भएको थियो ।

बैंकले संसारभरि अवस्थित १२५ भन्दा बढी व्यावसायिक साझेदारको सञ्जालमार्फत प्रिमियम अनलाइन ग्राहक केन्द्रित प्रविधिमा आधारित आधुनिक प्रणालीबाट आफ्नो विप्रेषण सेवा सञ्चालन गर्दै आएको छ ।

हाल बैंकले देशभरि फैलिएका हिमाल रेमिटका १८,००० भन्दा बढी भुक्तानी केन्द्रहरूमार्फत विदेशबाट आप्रवाह भएका विप्रेषणको सरल र सहज रूपमा भुक्तानी गर्दै आएको बताइएको छ ।

बैंकले १८९ शाखा कार्यालय, २० वटा विस्तारित काउन्टर र २६३ एटीएममार्फत सेवा दिँदै आएको छ ।