काठमाडौं । नेपालमा दश वर्षमा परिवारको संख्या १२ लाख ३९ हजार ६३५ बृद्धि भएको छ । राष्ट्रिय तथ्यांक कार्यालयले सार्वजनिक गरेको तथ्यांकमा ०६८ सालको जनगणनाको तुलनामा ०७८ सालमा यो संख्यामा परिवार संख्या बढेका देखिएको हो । 

०६८ सालको जनगणनामा परिवारको संख्या ५४ लाख २७ हजार ३०२ थियो । ०७८ को जनगणनामा परिवार संख्या बढेर ६६ लाख ६६ हजार ९३७ देखिएको छ । संयुक्त परिवारको संख्या भने न्यून देखिएको छ । करिव ०.९ प्रतिशत अर्थात ६ हजार ९६ मात्र छ । तर, ०६८ सालको तुलनामा यो शून्य दशम्लव २ प्रतिशतले धेरै हो । ०६८ सालको जनगणनामा ०.७ प्रतिशत मात्र संयुक्त परिवार थिए ।