काठमाडौं। सामसङले ग्यालेक्सी एम सिरिज अन्तर्गत दुई भेरियन्टमा नयाँ स्मार्ट फोन सार्वजनिक गरेको छ। आठ जीबीसम्म र्‍याम बढाउन सकिने र्याम प्लस फिचरसहित सामसङ्गले ग्यालेक्सी एम०४ फोन बजारमा ल्याएको हो ।

र्याम मात्रै नभएर ग्यालेक्सी एम०४ स्मार्ट फोनमा एक टेराबाइटसम्म स्टोरेजसमेत बढाउन सकिने फिचर रहेको छ। पर्फमेन्सका लागि आवश्यक र्याम र स्टोरेज दुवै थप्न मिल्ने यो फोनमा २.३ गिगाहर्ज क्षमताको मिडिया टेक हेलियो पी३५ प्रोसेसर रहेको छ।

यो फोनमा प्रयोगकर्ताहरुले उच्च पर्फमेन्स, सहज मल्टिटास्किङ, छरितो एप नेभिगेसन पाउने र गेमिङमा अथवा गेम खेल्दा अड्किने समस्याबाट मुक्त हुने कम्पनीको विश्वास छ।

चार्जरसहित आउने ग्यालेक्सी एम०४ मा ६.५ इञ्चको डिस्प्ले रहेको छ । यो फोनमा पाँच हजार एमएएचको टिकाउ ब्याट्री रहेको छ । यो फोनमा ५० प्रतिशत भन्दा कम चार्ज रहेका बेला आवश्यकताअनुसार स्वचालित रुपमा पावर सेभिङ मोडमा जाने फिचर समेत रहेको छ। यसले फोनको चार्ज लामो समयसम्म टिक्न मद्दत गर्छ ।

एआईबाट व्यवस्थित यो ग्यालेक्सी एम०४ फोनमा तीन दिनसम्म कुनै एप प्रयोग नभए स्लीप मोडमा जाने र एक महिनासम्म प्रयोग नभएमा डीप स्लीप मोडमा जाने फिचरसमेत रहेको छ। यस्तै फोनमा चार वर्षसम्मका लागि सेक्युरेटी अपडेट र दुई पटकसम्म अपरेटिङ सिस्टम अपग्रेडसहितको सुविधा रहेको छ।

दुई भेरियन्टमा रहेको ग्यालेक्सी एम०४ को ४ जीबी र्याम र ६४ जीबी स्टोरेज क्षमताको मूल्य १५,९९९ रहेको छ भने, ४ जीबी र्याम र १२८ जीबी स्टोरेज क्षमताको मूल्य १७,९९९ रहेको छ। ग्रीन र ब्लू दुई रङमा उपलब्ध ग्यालेक्सी एम०४ दराज एप र वेबसाइटबाट छुटसहित खरिद गर्न सकिन्छ।