साहित्य
वसन्त श्रेष्ठका दुई कविता
माया
मैले त उनीलाई
अब कहिले भेट्दिन होला भन्थेँ
तर होइन पो रहेछ
उनी त मेरो ओठभित्र
लामो सुस्केरा बनेर बसिछन्
उनी त मेरो परेलीभित्र
आँसु बनेर बसिछन्
उनी त मेरो छाया बनेर
पछ्याउँदै पो आइछन्
उनी त मेरो माया बनेर
हृदयभित्र पो बसिछन्
बिछोड कसलाई मन पर्छ र मिलन मन पर्नेलाई
बगर कसलाई मन पर्छ र हरियाली मन पर्नेलाई
मभित्र उनको माया कसरी बसेछ
उनको मायाको धड्कन
मभित्र अझै छामिरहेछु !
सपना
मैले मिठो कल्पना गरेको बेला
आँखामा सुन्दर सपना आइदिन्छ
विपनाको बेला
मेरो सुन्दर सपना
भागीभागी हिँड्छ
यही कारण हो
म सुन्दर सपना नदेखूँ भन्छु
किनकि,
मलाई मेरो सुन्दर सपना
विपना भएको मात्र
देख्न मन लाग्छ !
(भर्जिनिया, अमेरिका)
प्रकाशित मिति: शनिबार, फागुन २७, २०७९ ०९:१६
प्रतिक्रिया दिनुहोस्
सम्बन्धित समाचार
सिफारिस
सम्पादकीय
कार्टुन
भिडियो
विचार
अन्तर्वार्ता
ब्लग
प्रवास
लोकप्रिय
