काठमाडौं । मलेसियाका गृहमन्त्री सैफुद्दिन नासुसन इस्माइलले आज उच्चस्तरीय भेटवार्ता गर्दै छन् । नेपालको तीनदिने भ्रमणका लागि उनी बिहीबार साँझ काठमाडौं आइपुगेका हुन् ।

आज उनले श्रम, रोजगार तथा सामाजिक सुरक्षामन्त्री डोलप्रसाद अर्यालसँग औपचारिक भेटवार्ता गर्ने कार्यक्रम छ ।

भ्रमणका क्रममा उनले मलेसियाको ‘फरेन वर्कर इम्प्लोइमेन्ट रिल्याक्सेसन प्लान’बारे नेपाली अधिकारीसँग छलफल गर्नेछन् । उनी शनिबार (भोलि) स्वदेश फर्कने कार्यक्रम छ ।