बुटवल । लुम्बिनी प्रदेशको नेतृत्व नेकपा (एमाले)ले गर्ने भएको छ । आइतबार साँझ बालुवाटारमा बसेको सत्ता गठबन्धनको बैठकले लुम्बिनीमा पूरै कार्यकाल एमालेलाई नेतृत्व दिने निर्णय गरेको हो । 

लुम्बिनीको नेतृत्व एमालेले पाएसँगै लिला गिरी मुख्यमन्त्री बन्ने भएका छन् । लुम्बिनी प्रदेश संसदीय दलका नेतासमेत रहेका गिरि यसअघि शंकर पोखरेल नेतृत्वको सरकारमा पर्यटन, उद्योग, वन तथा वातावरणमन्त्री रहेका थिए । तर, उनी मन्त्रीहरूको कार्यसम्पादन मूल्यांकनमा सबैभन्दा कमजोर मन्त्रीको रूपमा देखिएका थिए ।

उनी रूपन्देही क्षेत्र नम्बर २ (१) बाट दोस्रो कार्यकालका लागि निर्वाचित भएका हुन् ।

लुम्बिनीको सभामुख माओवादी र उपसभामुख राप्रपाले पाउने भएका छन् । माओवादीबाट तुलाराम घर्ती सभामुखका दाबेदार रहेका छन् । उपसभामुखका लागि राप्रपाबाट मिना श्रेष्ठ वा मेनुका खाँण केसीमध्ये एक जना हुने राप्रपाले जनाएको छ ।