site stats
प्रविधि
ट्विटरले प्रयोगकर्ताबाट प्रमाणीकरण शुल्क उठाउने !

न्युयोर्क सिटी । ट्विटरका नयाँ मालिक तथा विश्वका सर्वाधिक धनी अर्बपति एलन मस्कले आफ्नो कम्पनीको प्रतिष्ठित 'निलो टिक' परिमार्जित हुने बताएका छन् । सञ्चार माध्यमले ट्विटरले प्रयोगकर्तालाई प्रमाणीकरण शुल्कबापत प्रति महिना २० अमेरिकी डलर उठाउन सक्ने खबर पनि सार्वजनिक गरेका छन् ।

मस्कले ट्विटर खरिद गरेको केही दिनपछि नै प्रमाणीकरण प्रक्रिया परिमार्जन भइरहेको ट्विट गरेका छन् । अहिलेसम्म नि:शुल्क उपलब्ध निलो टिकले प्रयोगकर्ताको एकाउन्ट आधिकारिक हो भन्ने संकेत प्रदान गर्छ । 

NMB Bank
Agani Group

गत शुक्रबार ४४ अर्ब डलर तिरेर ट्विटरको स्वामित्व हासिल गरेका मस्कले ट्विटरमा आफूलाई चिफ ट्विटको रूपमा नामकरण गरेका थिए ।

ट्विटर खरिद विषयलाई लिएर महिनौँ कानुनी झमेलामा परेका उनले पटकपटक ट्विटरको प्रमाणीकरण प्रक्रियाबारे चिन्ता व्यक्त गरेका थिए । उनका अनुसार स्पाम र बोट एकाउन्टहरूले साइटमा फोहोर गरेका थिए ।

Global bank

मस्को पछिल्लो ट्विटले यकिन रूपमा के परिवर्तन हुँदैछन् भन्नेबारे विस्तृत विवरण खुलाएको छैन ।

तर, टेक वेबसाइट भर्जले आन्तरिक संवाददातालाई उद्धृत गर्दै ट्विटरले प्रयोगकर्ताको निलो टिक प्रमाणीकरण स्थितिका लागि जनही १९ दशमलव ९९ डलर शुल्क उठाउने छ । प्रमाणीकरण सूचीमा परेका प्रयोगकर्ताहरूलाई नब्बे दिनभित्र सब्स्क्राइब नगरेमा उनीहरूले निलो टिक गुमाउने सूचना दिइने पनि बताइएको छ ।

मस्कले ट्विटर खरिद गर्ना साथ त्यसको प्रमुख कार्यकारिणी अधिकारी, अध्यक्ष र वित्त प्रमुखले जागिर गुमाएका थिए ।

बीबीसीबाट ।

प्रकाशित मिति: सोमबार, कात्तिक १४, २०७९  २१:२३
प्रतिक्रिया दिनुहोस्
सम्पादकीय