काठमाडौं । नेकपा (माओवादी केन्द्र) का सांसद वर्षमान पुनले प्रधानन्यायाधीश चोलेन्द्रशमशेर जबराविरुद्धको महाभियोग चालु संसद्बाट टुंगो लाग्ने बताएका छन् । 

मंगलबार संसद्बाहिर सञ्चारकर्मीहरूसँगको संक्षिप्त कुराकानीमा उनले यही संसद्ले जबराविरुद्धको महाभियोगको टुंगो लगाउनुपर्ने बताए । सोही अनुसार नै महाभियोग अघि बढाइएको उनको भनाइ छ ।

समितिले छिट्टै अध्ययन र अनुसन्धानका कामहरू गरेर आफ्नो जिम्मेवारी पूरा गर्ने कुरामा माओवादी केन्द्र आशावादी रहेको उनले बताए । उनले तीन महिना भनेको अधिकतम समय भएको उल्लेख गर्दै यसलाई टुंगोमा पुर्‍याउने गरेरै
महाभियोग अघि बढाइएको बताए ।