काठमाडौं । पछिल्लो २४ घण्टामा काठमाडौं उपत्यकामा २३३ जना कोभिड १९ संक्रमित थपिएका छन् । काठमाडौंमा १६५, भक्तपुरमा ६ र ललितपुरमा ६२ जना संक्रमित थपिएका हुन् ।

योसँगै उपत्यकामा सक्रिय संक्रमितको संख्या दुईहजार ५०५ पुगेको छ ।

आज ५० जिल्लामा कोभिड १९ संक्रमित देखिएका छन् । आज देशभर रहेका तीन हजार ७१४ जना सक्रिय संक्रमितमध्ये तीन हजार ५८१ जना होम आइसोलेसनमा र १३३ जना संस्थागत आइसोलेसन छन् ।

अस्पतालमा रहेकामध्ये ३० जना आईसीयूमा र एकजना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।