काठमाडौं । चालु आर्थिक वर्ष (आव) २०७९/०८० को साउन पहिलो सातामै वाणिज्य बैंकहरूमा ६४ अर्ब रुपैयाँ निक्षेप घटेको छ । असार ३२ गते वाणिज्य बैंकहरूको निक्षेप ४५ खर्ब ४१ अर्ब रहेकोमा साउन ६ गतेसम्म घटेर ४४ खर्ब ७८ अर्ब कायम भएको हो । 

नेपाल बैंकर्स संघका अनुसार एक साताको अवधिमा कर्जा प्रवाह पनि १० अर्ब रुपैयाँ घटेको छ ।  

असार ३२ सम्म वाणिज्य बैंकहरूबाट ४१ खर्ब ७५ अर्ब रुपैयाँँ कर्जा प्रवाह भएकोमा साउन ६ गतेसम्म उक्त कर्जा प्रवाह घटेर ४१ खर्ब ६५ अर्ब कायम भएको छ । साउन ६ गतेसम्म सीडी रेसियो ८७.७५ प्रतिशत कायम भएको छ ।