दार्चुलामा विजयी जुलुसमा गएको हायस दुर्घटना, तीनजनाको मृत्यु

देश

दार्चुलामा विजयी जुलुसमा गएको हायस दुर्घटना, तीनजनाको मृत्यु

बाह्रखरी सोमबार, जेठ २, २०७९

दार्चुलामा विजयी जुलुसमा गएको हायस दुर्घटना, तीनजनाको मृत्यु

काठमाडौं । दार्चुलामा हायस दुर्घटना हुँदा तीनजनाको मृत्यु भएको छ। विजयी जुलुसमा सहभागी हुने कार्यकर्तालाई लिन जान लागेको से१ज २७७ नम्बरको हायस महाकाली राजमार्ग अन्तरगत शैल्यशिखर नगरपालिका–६ मा दुर्घटनामा परेको हो ।

सोमबार बिहान साढे ९ बजे भएको दुर्घटनामा घटनास्थलमै तीनजनाको मृत्यु भएको जिल्ला प्रहरी कार्यालय दार्चुलाका प्रहरी नायब उपरीक्षक प्रतीक विष्टले बताए ।

चालक प्रकाशसिंह धामी, सहचालक नवीनसिंह धामी र हरिष धामीको मृत्यु भएको उनले बताए । मृतक तीनैजना वडा नम्बर ६ ग्वानीका स्थानीय हुन् ।

शव पोष्टमार्टमका लागि जिल्ला अस्पतालमा लगिएको र दुर्घटना सम्बन्धी थप अनुसन्धान भइरहेको दार्चुला प्रहरीले जनाएको छ।