काठमाडौं । मधेस केन्द्रित दलले व्यवस्थापिका–संसद्को साेमबारको बैठक बहिष्कार गरेका छन् । व्यवस्थापिका–संसद्को बैठक सुरु हुनेबित्तिकै सद्भावना पार्टीका सांसद लक्ष्मणलाल कर्णले मधेसी, आदिवासी, जनजाति दलको मागअनुसार संविधान संशोधनमार्फत सर्वस्वीकार्य बनाउने सरकारको प्रतिबद्धता कार्यान्वयन नभएकामा आपत्ति जनाए ।

सरकार गठनको समयमा नयाँ सरकार गठन हुँदा भएको तीनबुँदे सहमति कार्यान्वयन नभएकामा गुनासो गर्दै उनीहरूले तत्काल संविधान संशोधन प्रस्ताव ल्याउनुपर्नेमा जोड दिएका छन् । सदनको बैठक बहिष्कार गर्ने दलहरुमा सङ्घीय समाजवादी फोरम नेपाल, तराई मधेस लोकतान्त्रिक पार्टी, सद्भावना पार्टीलगायत रहेका छन् ।

रासस