काठमाडौं । भारतलाई लगानी बढाउन नेपाल चेम्बर अफ कमर्शले आग्रह गरेको छ । काठमाडौंमा सोमबार चेम्बरले नेपालका लागि भारतीय राजदुत मन्जिभ सिंह पुरीलाई स्वागत कार्यक्रमको आयोजना गरी लगानी बढाउन आग्रह गरेको हो । 

चेम्बरका अध्यक्ष राजेशकाजी श्रेष्ठले नेपालमा ठूलठूला मेघा परियोजना, जलविद्युत आयोजना, व्यापार, पर्यटन, फास्ट ट¥«याक लगायत क्षेत्रमा लगानी बढाउन आग्रह गरेका थिए । उनले  भारतसंग करिब ७० प्रतिशत व्यापार हुने गरेको भन्दै दुई देशबीचको व्यापारमा थोरै मात्र समस्या आए नेपाललाई प्रत्यक्ष असर पर्ने भन्दै एकआपसको सल्लाहले अघि बढ्न पर्ने सुझाए ।

“पछिल्लो समय भारतले नयाँ कर प्रणाली ‘जीएसटी’ लागु भएको छ,” उनले भने “सो सम्बन्धी बिलिङ्ग, आयात निर्यात लगायत सम्बन्धमा प्रष्ट हुन सकेका छैनौं, औपचारिक रूपमा प्रष्ट गराउन आवश्यक छ ।” 

त्यस्तै चेम्बरले भारतबाट आउने पर्यटकहरु बढाउन समेत आग्रह गरेको थियो ।

सो अवसरमा राजदुत पुरीले नेपालमा अरुण तेस्रो, अप्पर कर्णाली लगायत ठूला जलविघुत आयोजनामा भारतले लगानी गरेको जनाए । “ प्रकृतिक रुपमा नेपाल मनमोहक र सुन्दर छ,” उनले भने “ विश्वको ध्यान तानिएको छ ।” त्यस्तै उनले नेपालमा रहेको जनशक्तिको सदुपयोग गर्न पर्ने समेत सुझाए ।

उनले बाह्य पर्यटनलाई आकर्षण गर्न भिषा लगायतका विभिन्न क्षेत्रमा नयाँ प्रविधिहरुकोे प्रयोग गर्न आवश्यक रहेको जनाए । ‘जीएसटी’ले भारत र नेपाललाई नै फाइदा पुग्ने भन्दै यसबाट मूल्य घट्ने उनको भनाइ छ ।