राजनीति
काठमाडौं । प्रधानमन्त्री पुष्पकमल दाहाल र नेकपा एमालेका अध्यक्ष केपी शर्मा ओलीबीच ‘वान टु वान’ वार्ता भएको छ ।
सभामुखको कार्यालय सिंहदबारमा ३ बजेदेखि करिब डेढ घण्टा ‘वान टु वान’ भएको वार्तामा संविधान संशोधन लगायतका विषयमा छलफल भएको हो ।
एमाले अध्यक्ष ओलीका स्वकिय सचिव राजेश शाक्यले ‘वान टु वान’ वार्ता भएकाले के विषयमा छलफल भयो भन्ने बारेमा जानकारी नभएको बताए । प्रधानमन्त्रीका प्रेस सल्लाहकार गोविन्द आचार्यले संविधान संशोधन लगायतका महत्वपूर्ण विषयमा छलफल भएको बताउँदै यसलाई निरन्तरता दिने बारेमा पनि कुराकानी भएको बताए ।
लामो समयसम्म औपचारिक छलफलमा नजुटेका दुई पार्टीका शीर्ष नेताहरुबीच लामो समयसम्म भएको वार्तालाई महत्वका साथ हेरिएको छ । स्रोतकाअनुसार संविधान संशोधन र महाभियोगका बारेमा पनि छलफल भएको थियो ।
नेपाली कांग्रेसका सभापति शेरबहादुर देउवा पाँच दिनका लागि भारत प्रस्थान गरेकै दिन दुई पार्टीका नेताहरुबीच छलफल भएको हो ।
तस्बिर, प्रधानमन्त्री सचिवालय
प्रकाशित मिति: शुक्रबार, कात्तिक १९, २०७३ १६:४४
प्रतिक्रिया दिनुहोस्