बीबीसी । अमेरिकाको फ्लोरिडामा एउटा विवादास्पद कानुनी प्रस्ताव सांसदको दुवै सभामा स्वीकृत भएको छ । यसमा राजनीतिज्ञहरुलाई आफ्नो प्लेटफर्मबाट हटाउने या उनीहरुमाथि प्रतिबन्ध लगाउने प्राविधिक कम्पनीमाथि जरिवाना लगायत कारबाही गरिने भनिएको छ । यस्तोमा गत जनवरीमा भएको संसद हमला पश्चात् ट्वीटर, फेसबुक अनि युट्युबाट प्रतिबन्धित भएका ट्रम्पका लागि यो आशादायी खबर हुनेछ ।
हाल यो प्रस्ताव त्यहाँका गर्भनर रोन डेसेनटिसबाट स्वीकृत हुन बाँकी छ जो वास्तवमा पूर्वराष्ट्रपति डोनाल्ड ट्रम्पकै सहायक मानिन्छन् । यस नियम अन्र्तगत प्लेटफर्मले राजनेताहरुको अकाउन्टमाथि १४ दिन भन्दा बढी प्रतिबन्ध लगाउन पाउने छैनन् र यसको उल्लंघन गरेमा प्रति दिन २ लाख ५० हजार डलर सम्मको जरिवाना हुने बताइएको छ ।
इन्टरनेटमा स्वतन्त्र बोलीको प्रचार गर्ने समुह, नेटचोइसले गत महिना यो नियमको विरुद्धमा वकालत गरेको थियो । नेटचोइसका अनुसार निजी कम्पनीहरुसँग नै प्रयोगकर्ताकालागि के सबैभन्दा उपयुक्त हो भन्ने निर्णय गर्ने अधिकार हुनुपर्छ र यसमा कसैको हस्तक्षेप हुनु नहुने यसले तर्क गरेको हो । साथै यो कानुनमा हानिकारक सामग्री हटाएकामा सामाजिक संजाललाई कारबाही गर्नु अन्यायपूर्ण र अनुचित भएको पनि नेटचोइसका प्रमुखले बताएका हुन् ।
ह्वाइटहाउसबाट बाहिरिएदेखि ट्रम्पले आफ्नो अधिकतम समय फ्लोरिडामै बिताइरहेका छन् र डेसेनटिस लगायत फ्लोरिडाका उच्च पदयुक्त रिपब्लिकनहरुसँग उनको एकदम नजिकी सम्बन्ध रहेको विस्वास गरिन्छ ।
तर बिहिबार स्टेट हाउस र सिनेटमा स्वीकृत भइसकेपनि प्राविधिक कम्पनीहरुले अदालतमा यसले ‘अमेरिकाकन फस्र्ट अमेन्डमेन्ट’ कानुनको उल्लंघन गर्ने मुद्दा उठाइ विरोध गर्ने अपेक्षा गरिएको छ । फस्र्ट अमेन्डमेन्ट कानुनमा व्यक्ति या व्यवसायको निजी बोलीमा सरकार तर्फबाट कुनै हस्तक्षेप हुन नहुने भनिएको छ । साथै यो नियममा के पनि उल्लेख छ भने, सरकारले कुनैपनि निजी सामाजिक संजाल प्लेटफर्मलाई जोड जबरजस्तीपूर्वक उनीहरुको नीति विपरित कार्य लगाउन नपाउने भनिएको छ ।
