अर्थ व्यवसाय
काठमाडौं । मेटलाइफ नेपालले अनलाइन दाबी इन्टिमेसन सेवा सुचारु गरेको छ ।
अब ग्राहकले आवश्यक कागजातसहित बीमा दाबीहरू अनलाइन माध्यमबाट छिटो र सजिलो तरिकाले पेस गर्न सक्ने कम्पनीले जनाएको छ । यसरी अनलाइन अपलोड भएका आवश्यक जानकारी र कागजातहरु प्राप्त हुनासाथ मेटलाइफको दाबी टोलीले तुरून्त दाबी प्रक्रिया सुरु गर्ने जनाइएको छ ।
अनलाइन दाबी प्रक्रिया पूरा गर्न अनलाइन बिमा दरखास्त, प्रिमियम भुक्तान, र केवाईसी अपडेटका साथै नयाँ ग्राहक सेवा एप प्रयोगमा ल्याइसकेको हुनुपर्नेछ ।
मेटलाइफ नेपालका उपनिर्देशक तथा महाप्रबन्धक निर्मलकाजी श्रेष्ठले बीमा दाबीलाई सहज बनाउन यस्तो सेवा ल्याएको बताए ।
प्रकाशित मिति: शुक्रबार, वैशाख ३, २०७८ १५:०७
प्रतिक्रिया दिनुहोस्