काठमाडौं । चीनबाट ल्याइएको कोभिड–१९ विरुद्धको भेरोसेल खोप शनिबारसम्म २१ हजार ६८८ जनाले लगाएका छन् । चैत २५ गते विद्यार्थीलाई लक्षित गरी सञ्चालन गरिएको खोप कार्यक्रम २६ गतेदेखि बाग्मती प्रदेशका सबै जिल्लाहरूबाट खोप वितरण गरिएको थियो ।
सरकारले चीनबाट ल्याइएको खोप विद्यार्थीबाहेक अत्यावश्यक सेवामा काम गर्ने कर्मचारी, होटेल, ट्रेकिङ, विज्ञापन र इन्टरनेट क्षेत्रमा काम गर्ने व्यक्ति, औषधि, फलफूल, तरकारी व्यापारी, डेरी व्यवसायी प्राध्यापकहरूलाई पनि दिने निर्णय गरेको छ ।
खोप विभाग प्रमुख डा. झलक गौतमले जारी खोप अभियान कति दिनसम्म चालाउने भनेर निश्चित समय नतोकिएको बताए । तर, अहिलेको चरणमा चार लाख जनालाई खोप दिइने र त्यसमा लक्षित सबै वर्गलाई समेटिने उनले बताए ।