देश
काठमाडौं । पछिल्लो २४ घण्टामा कोभिड–१९ का ३३७ संक्रमित थपिएका छन् । तीन हजार ५३२ वटा नमुनाको पीसीआर परीक्षण गरिएकोमा ३३७ जनाको नतिजा पोजिटिभ आएको हो । योसँगै नेपालमा कुल संक्रमितको संख्या दुई लाख ७९ हजार ७२५ पुगेको छ ।
त्यस्तै, पछिल्लो २४ घण्टामा १५१ जना संक्रमणमुक्त भएका छन् । योसँगै देशमा कोरोनामुक्त हुनेको संख्या दुई लाख ७३ हजार ८८६ पुगेको छ ।
पछिल्लो २४ घण्टामा कोभिड–१९ का कारण देशभर एकजनाको मृत्यु पुष्टि भएको छ । योसँगै नेपालमा कोभिड–१९ का कारण मृत्यु हुनेको संख्या तीन हजार ३९ पुगेको छ ।
हाल क्वारेन्टिनमा ८४ जना छन् भने आइसोलेसनमा दुई हजार ८०० जना रहेका स्वास्थ्य तथा जनसंख्या मन्त्रालयले शनिबार जनाएको छ ।
प्रकाशित मिति: शनिबार, चैत २८, २०७७ १६:०६
प्रतिक्रिया दिनुहोस्