काठमाडौं । विभागीय टोली आर्मी, एपीएफ र पुलिस क्लबले पाँचौ संस्करणको एनभीए राष्ट्रिय महिला तथा पुरुष क्लब लिग भलिबल च्याम्पियनसिपमा जित निकालेका छन् ।
त्रिपुरेश्वरस्थित राखेपको कर्भडहलमा भएको पहिलो खेलमा एपीएफले ढोरपाटन क्लबलाई सोझो सेटमा पराजित गरेको थियो । शुक्रबार एपीएफले ढोरपाटनमाथि २५–३, २५–९ र २५–५ को जित निकाल्न सफल भयो ।
त्यस्तै दोस्रो खेलमा पुलिसले पुलिसले मेट्रो खेलकुद परिषदमाथि २५–४, २५–८ र २५–१२ को सेटमा जित निकाल्यो ।
त्यस्तै शुक्रबार न्यु डाइमण्ड स्पोर्ट्स क्लबलाई ३–२ को सेटमा हराउँदै आर्मीले विजयी सुरुवात गरेको हो । आर्मीले न्यु डाइमण्डमाथि २५–१७, २०–२५, २५–२३, १५–२५ र १५–१२ को सेटमा जित निकालेको हो ।
प्रतियोगितामा पुरुषतर्फ ७ टिम र महिलातर्फ ६ टिमले प्रतिस्पर्धा गरिरहेका छन् ।
तस्बिर : सुनिल प्रधान