बाह्रखरी
sticky  ncell
British college
British college
सम्पादकीय प्रतिक्रिया दिनुहोस्
Jagadamba Group
Jagadamba Group
प्रकाशकीय बाह्रखरीको आधा दशक
NMB Bank
NMB Bank
बाह्रखरी - शुक्रबार, फागुन ७, २०७७
Laxmi Bank
Laxmi Bank

वि.सं. २०७२ सालको वैशाख १२ गते महाभूकम्पपछि देश अस्तव्यस्त थियो । महाभूकम्पको तरङ्गले आफ्नो राजनीतिक र व्यक्तिगत स्वार्थबाट माथि उठ्न राजनीतिक दलका नेताहरूलाई पनि चेतना फुर्‍यो । फलस्वरूप २०७२ साल असोज ३ गते नेपालका राजनीतिक दलहरूले दोस्रो संविधान सभाबाट नेपालको संविधान जारी गरेर देशलाई राजनीतिक निकास दिए । 

देशले संविधान प्राप्त गरेलगत्तै छिमेकीले लगाएको आर्थिक नाकाबन्दीको अवस्थामा आफ्नो मातृभूमिप्रतिको कर्तव्य र व्यावसायिक चेतप्रति प्रतिबद्ध सानो समूहले सचेत र आवाज विहीन सबै वर्गको अभिव्यक्ति प्रस्फुटन गर्ने माध्यम स्थापनाको काम सुरु गरे । यसरी स्थापित बाह्रखरीको शुभारम्भ र सार्वजनिकीकरणका लागि देशमा २००७ सालमा प्रजातन्त्र स्थापना भएको दिन अर्थात् फागुन ७ शुभ मुहुर्त बनेर आइपुग्यो । 

त्यसैले हरेक फागुन ७ नेपालका लागि प्रजातन्त्र दिवस बनेर आउँछ भने विगत पाँच वर्षदेखि हाम्रा लागि राष्ट्रिय पर्व सहित पत्रकारिता प्रति आफैलाई समर्पण गरेको दिनका रुपमा समेत झुल्कन्छ । बाह्रखरीको स्थापनाले पत्रकारितामा रिक्त स्थान पूर्ति गर्न सहयोग गरेको छ भन्ने भ्रममा नपरी यसले नेपालको पत्रकारितामा स्थापित मूल्य र मान्यताको मानकलाई अझ उच्च बनाउन सहयोग पुर्‍याउनुपर्छ भन्ने दृढ निश्चय र मान्यताका साथ होमिएका छौँ । 

Global bank

Agani Group

पत्रकारिताको विश्वसनीयतामा विश्वभर नै प्रश्न उठेको र लोकतान्त्रिक मूल्य र मान्यतामा सबैतिर ह्रास आउन थालेको वर्तमान अवस्थामा व्यावसायिक र वस्तुनिष्ठ पत्रकारिता गरेर ‘मत्स्य न्याय’मा टिकेको ‘वैश्य युग’को प्रतिस्पर्धामा डटेर आफ्नो आस्थाको बलमा आधा दशकमा बाह्रखरीले आफूलाई प्रमाणित गरेको अनुभव गरेका छौँ । 

पाठक र शुभेच्छुकको आस्था र विश्वासमा टिकेर सबल पत्रकारिता गर्दा दमनवादी र अधिनायकवादी शासकले फिँजाएको जालोबाट बच्दै आर्थिक कठिनाइसँग पौठेजोरी खेल्दै गरिएको पत्रकारिताको यात्रा अवश्य पनि दुष्कर र चुनौतीपूर्ण छ । अझ कोरोनाको महामारीले ल्याएको आर्थिक मन्दीमा संस्थामा आबद्ध सबैको घरको चुल्हो जलाउनुपर्ने चुनौतीले ठूलो परीक्षा लिएको छ । 

sarbottam cement


यति समस्या र व्यवधान हुँदाहुँदै पनि हामी यस पेसामा छौँ । किनभने देश र जनताका लागि नागरिकले गर्नुपर्ने कर्तव्य पत्रकारको रूपमा परिपालन गर्ने आफ्नै भीष्म प्रतिज्ञामा बाह्रखरी प्रतिबद्ध छ । 

हामीलाई निरन्तर विश्वास गरेर आफ्नो सूचनाको प्रमुख स्रोत बनाउने पाठक, आफ्ना सेवा र उत्पादन बजारसम्म पु¥याउन हामीलाई माध्यमका रूपमा प्रयोग गर्ने विज्ञापनदाता र अन्य सबै शुभेच्छुकमा यस यात्रामा सहयात्री बनेकोमा हार्दिक कृतज्ञता ज्ञापन गर्दै आउँदा अनेकौं वर्षहरूमा पनि सबैको सम्पूर्ण साथको निरन्तरताको अपेक्षा गर्दछौँ ।

प्रतीक प्रधान
प्रधान सम्पादक तथा कार्यकारी अध्यक्ष

 
 

Nepal Investment bank
Nepal Investment bank
शुक्रबार, फागुन ७, २०७७ मा प्रकाशित
TATA Landing
TATA Landing
प्रतिक्रिया दिनुहोस्