काठमाडौं । गृह मन्त्रालयले महानगरीय प्रहरी परिसर काठमाडौंको प्रमुखमा एसएसपी श्यामलाल ज्ञवाली र अपराध महाशाखामा एसएसपी दीपक थापाको सरुवा गरेको छ ।
परिसर काठमाडौंका एसएसपी उत्तमराज सुवेदी र महाशाखाका एसएसपी सहकुल थापा डीआईजीमा बढुवा भएपछि दुवै ठाउँ रिक्त थियो । ज्ञवाली महानगरीय प्रहरी कार्यालय रानीपोखरीमा कार्यरत थिए भने थापा प्रहरी प्रधान कार्यालयको आर्थिक प्रशासन शाखामा थिए । उनीहरु दुवै एकै व्याचका हुन् । स्रोतका अनुसार सरुवा गरिसकेको भए पनि पत्र भने आइसकेको छैन ।
ज्ञवाली प्रहरी महानिरीक्षक (आइजीपी) ठाकुर ज्ञवालीका भाइ हुन् । ज्ञवालीले यसअघि रुपन्देही, सिरहाल लगायतका जिल्लाको प्रमुख भएर काम गरिसकेका छन् भने थापाले चितवन लगायतअन्य क्षेत्रमा काम गरेका छन् । सुरक्षाका हिसाबले काठमाडौं परिसर र अपराध महाशाखा महत्त्वपूर्ण मानिन्छ ।