मड्रिड । स्पेनमा नोभेल कोरोना भाइरसको संक्रमणबाट मृत्यु हुनेको संख्या तीव्र रुपमा बढिरहेको छ ।
स्पेनमा पछिल्लो २४ घण्टाको अवधिमा ८३८ जनाको मृत्यु भएको स्पेनको स्वास्थ्य मन्त्रलायले जनाएको छ ।
हालसम्म स्पेनमा कोरोना संक्रमणबाट मृत्यु हुनेको संख्या ६ हजार ५२८ पुगेको छ ।
त्यसैगरी संक्रमितको संख्या ७२ हजार २४८ बाट बढेर ७८ हजार ७९७ पुगेको छ ।
हाल सबैभन्दा बढी कोरोना संक्रमित अमेरिकामा छन् भने कोरोना संक्रमणबाट इटालीमा सबैभन्दा बढी मानिसको मृत्यु भएको छ ।
सन् २०१९ डिसेम्बरमा चीनको वुहानबाट सुरु भएको कोरोना भाइरसको संक्रमण चीनमा कम हुँदै गएको चिनियाँ सञ्चामाध्यमले जनाएको छ । - बीबीसी
प्रतिक्रिया दिनुहोस्
1613387568.jpg)
