राजनीति
काठमाडौं । जिल्ला अदालत काठमाडौंले प्रतिनिधिसभाका निवर्तमान सभामुख तथा सांसद कृष्णबहादुर महरालाई पुर्पक्षका लागि जेल चलान गर्न आदेश दिएको छ । थुनछेक बहस सकिएलगत्तै उनलाई डिल्लीबजार कारागार चलान गर्न अदालतले आदेश दिएको हो ।
मुलुकी फौजदारी संहिताको दफा ८० बमोजिम महरालाई जेल चलानको आदेश भएको हो । दफा ८० बमोजिमको थुनुवा पुर्जी दिएपछि ठहरे बमोजिम हुने गरी थुनामा पठाइएको जिल्ला अदालतका स्रेस्तेदार आनन्दप्रसाद श्रेष्ठले बताए । न्यायाधीश सुदर्शनराज पाण्डेको इजलाशले यस्तो आदेश दिएको हो ।
महरा असोज १९ गते बालुवाटास्थित सभामुख निवासबाट पक्राउ परेका थिए ।
प्रकाशित मिति: सोमबार, कात्तिक १८, २०७६ १७:०५
प्रतिक्रिया दिनुहोस्