काठमाडौं । निवर्तमान सभामुख कृष्णबहादुर महराको यौन दुर्व्यवहारको प्रकरणमा राष्ट्रिय मानवअधिकार आयोगको ध्यानकार्षण भएको जनाइएको छ । आयोगले महरा र संसद सचिवालयमा कार्यरत महिला कर्मचारी रोशनी शाहीबीच भएको भनिएको घटनाबारे नेपाल प्रहरीले हालसम्म गरेको अनुसन्धानका विषयमा हालसम्म भएको काम कारबाहीको जानकारी माग गरेको छ ।

साथै पीडित र पत्रकारको सुरक्षाबारे पनि जानकारी माग गर्दै आयोगले प्रहरीलाई शुक्रबार पत्रचार गरिएको विज्ञप्तिमार्फत जनाइएको छ ।

आयोगद्वारा जारी विज्ञप्तिमा भनिएको छ, "घटनाको अनुसन्धानका विविध पक्षको सम्बन्धमा सुक्ष्म अनुगमन गरी प्रतिवेदन पेश गर्न आयोगको निर्देशकको नेतृत्वमा तीन सदस्यी उच्चस्तरीय अनुगमन टवली गठन गरेको छ ।"

महरामाथि संसद सचिवालयकी महिला कर्मचारीले यौन दुर्व्यवहारको आरोप लगाएकी थिइन् । उनका अनुसार सोमबार साँझ तीनकुनेस्थित उनकै कोठामा पुगेका महराले बलात्कार प्रयास गरेका थिए ।