अन्तर्राष्ट्रिय रत्‍न तथा आभूषण सम्मेलन शुक्रबारदेखि, प्रधानमन्त्रीले उद्घाटन गर्ने

अन्तर्राष्ट्रिय रत्‍न तथा आभूषण सम्मेलन शुक्रबारदेखि, प्रधानमन्त्रीले उद्घाटन गर्ने

काठमाडौं । शुक्रबारदेखि सुरु हुने नेपाल अन्तर्राष्ट्रिय जेम एन्ड ज्वेलरी एक्स्पोको सम्पूर्ण तयारी पूरा भएको छ । लैनचोरस्थित खानी तथा भूगर्भ विभागको प्राङगणमा हुने प्रदर्शनीको तयारी पूरा भएको आयोजकले जानकारी दिएको छ ।

खानी तथा भूगर्भ विभाग र नेपाल सुनचाँदी रत्न तथा आभूषण महासंघको आयोजनामा हुने प्रदर्शनी नेपाली गरगहनाको मौलिकता, विविधता, विशिष्टता आदि पक्षलाई अन्तर्राष्ट्रिय क्षेत्रमा पनि उजागर गर्ने उद्देश्यका आयोजना गर्न लागिएको हो ।

प्रदर्शनीको उद्घाटन प्रधानमन्त्री केपी शर्मा ओलीले गर्नेछन् ।

आयोजक महासंघका अध्यक्ष रमेश महर्जनका अनुसार मेलामा भारत, चीनलगायतका एसियाली र युरोपियन मुलुकहरुका गरी ६० वटा स्टल रहने जनाइएको छ । जसमध्ये गोल्ड डाउमन्ड ज्वेलरीका ३६, लुज जेम्सका ४, सिल्भर ज्वेलरीका २, जेम कटिङका २, रक एन्ड मिनिरल्सका १२ तथा एजुकेसनका ४ स्टल रहनेछन् ।

नेपाली गरगहनाको मौलिकता विश्वकै उदाहरणीय रहेको भन्दै यसको सम्भावनाको खोजी र प्रबद्र्धनका लागि पनि मेला उपयोगी हुने विश्वास लिइएको छ । यसका साथै नेपालका खनिजलाई प्रशोधन गरेर गुणस्तरीय बनाएर निर्यात गर्ने मुख्य उद्देश्य रहेको पनि आयोजकले जनाएको छ ।
 

प्रतिकृया दिनुहोस
ad