११ करोड ५५ लाख ठगी आरोपमा ब्रोकर नं. २२ का महाप्रबन्धक श्रीवास्तव पक्राउ

अर्थ व्यवसाय

११ करोड ५५ लाख ठगी आरोपमा ब्रोकर नं. २२ का महाप्रबन्धक श्रीवास्तव पक्राउ

बुधबार, साउन २१, २०८२

काठमाडौं । सिप्रवी सेक्युरिटिज (ब्रोकर नं. २२)का महाप्रबन्धक जयन्त श्रीवास्तवलाई प्रहरीले नियन्त्रणमा लिएको छ । मीता अग्रवालले सिप्रवीका पदाधिकारीले ११ करोड ५५ लाख रुपैयाँ ठगी गरेको उजुरी दिएपछि श्रीवास्तव मंगलबार (साउन २०) आफैँ प्रहरी कार्यालय पुगेका थिए ।

उजुरीपश्चात् श्रीवास्तव आफैँ प्रहरी कार्यालयमा आएका र नियन्त्रणमा लिइएको जिल्ला प्रहरी परिसर काठमाडौंका डीएसपी मोहनमणि अधिकारीले बाह्रखरीलाई जानकारी दिए ।

अग्रवालले सिप्रवीका अध्यक्ष रविराज भट्टराई, महाप्रबन्धक श्रीवास्तव, प्रबन्ध निर्देशक सतिषकुमार श्रेष्ठ र सिनियर अधिकृत कविराज न्यौपानेविरुद्ध ठगी आरोपमा प्रहरी वृत्त सिंहदरबारमा उजुरी दिएकी थिइन् ।