कर्मचारी सञ्चय कोषले दिएको तीन अर्ब ९९ करोड परियोजना कर्जा उठेन

अर्थ व्यवसाय

कर्मचारी सञ्चय कोषले दिएको तीन अर्ब ९९ करोड परियोजना कर्जा उठेन

बुधबार, वैशाख ३१, २०८२

कर्मचारी सञ्चय कोषले दिएको तीन अर्ब ९९ करोड परियोजना कर्जा उठेन

काठमाडौं । कर्मचारी सञ्चय कोषले दिएको परियोजना कर्जाअन्तर्गतको तीन अर्ब ९९ करोड १७ लाख रुपैयाँ खराब कर्जाको रूपमा ब्याज समेत हिसाब गरी उठान गर्नुपर्ने भएको छ । कर्जा लगानी तथा असुली कार्यविधि तथा सम्झौताअनुसार सावाँ र ब्याज असुल नभएकोले थप छानबिन गरी सो ऋणको सावाँ र ब्याज असुल गर्न महालेखापरीक्षकको प्रतिवेदनले उल्लेख गरेको छ ।

कर्मचारी सञ्चय कोष परियोजना कर्जा प्रवाह कोषको कर्जा, लगानी तथा असुली नीति, २०७७ को बुँदा नं. ८.२.३ (ख) बमोजिम कर्जामध्ये खराब कर्जाको रूपमा ब्याज समेत हिसाब गरेर असुल गर्नुपर्ने छ ।

६ कम्पनी, चार उद्योग तथा एक होटेल समेत गरी ११ व्यापारिक फर्मसँग तीन अर्ब ९९ करोड १७ लाख उठ्न बाँकी रहेको महालेखाले औंल्याएको छ ।