निलम ढुंगानालाई राष्ट्र बैंकको नेतृत्व दिन राप्रपा सांसदको माग

राजनीति

निलम ढुंगानालाई राष्ट्र बैंकको नेतृत्व दिन राप्रपा सांसदको माग

बुधबार, वैशाख ३१, २०८२

निलम ढुंगानालाई राष्ट्र बैंकको नेतृत्व दिन राप्रपा सांसदको माग

काठमाडौं । राष्ट्रिय प्रजातन्त्र पार्टी (राप्रपा)का सांसद रोशन कार्कीले नेपाल राष्ट्र बैंकको नेतृत्व महिलालाई दिन आग्रह गरेकी छन् ।

प्रतिनिधिसभाको बुधबारको बैठकमा उनले लिलामीको बढाबढमा गभर्नर पद तीन करोड नाघिसक्यो रे भन्दै कटाक्ष समेत गरिन् ।

विगतमा महिला राष्ट्रपति, महिला प्रधानन्यायाधीश, महिला सभामुख पाउँदा उनीहरूको कार्यकाल सफल र प्रशंसायोग्य भएको समेत बताइन् ।

उनले कार्यवाहक गभर्नर निलम ढुंगानालाई नै गभर्नर बनाउन आग्रह समेत गरिन् । “कार्यवाहक गभर्नर निलम ढुंगानालाई नै राष्ट्र बैंकको नेतृत्व दिऔँ, ५२ प्रतिशत महिलामाथि न्याय गरौँ । योग्य र अयोग्य मान्छे खोज्न नलागौँ । देशको स्थिति हास्यास्पद भइरहेको छ,” उनले भनिन् ।