काठमाडौं । इरानको दक्षिणी प्रान्त होर्मोज्गानको बन्दरगाहमा शनिबार (अप्रिल २६) भएको ठूलो विस्फोटमा परी ज्यान गुमाएको संख्या ४६ पुगेको सरकारी समाचार संस्था आईआरएनएले जनाएको छ ।

विस्फोट र त्यसपछिको आगलागीमा एक हजार २०० भन्दा बढी मानिस घाइते भएका छन् । उनीहरूमध्ये १३८ जनालाई अस्पताल भर्ना गरिएको आईआरएनएले जनाएको छ ।

आईआरएनएका अनुसार, घटनाको कारण अझै पत्ता लागेको छैन । सिन्ह्वा/न्युज एजेन्सी नेपाल