काठमाडौं । एनआईसी एसिया बैंकले नयाँ वर्ष २०८२ को अवसरमा मोबाइल बैंकिङ सेवा प्रदायक एफवानसफ्ट प्रा.लि.सँगको सहकार्यमा नयाँ योजना ल्याएको छ । बैंकले ग्राहकहरूलाई आकर्षक योजनासहितको ‘नयाँ वर्षको नयाँ सुरुआत, जित्नुहोस् आइफोन १६’ योजना घोषणा गरेको हो । यस योजनामा सहभागी हुने ग्राहकले आइफोन १६ जित्न सक्नेछन् ।

यस योजनामा सहभागी हुनका लागि ग्राहकहरूले यस बैंकको मोबाइल बैंकिङ एप (मोबैंक) मार्फत १०० वा सोभन्दा बढीको मोबाइल टपअप गर्नुपर्ने बैंकले जनाएको छ ।

योजना अवधि समाप्त भएपछि यस योजनामा सहभागी हुने ग्राहकहरूमध्येबाट गोलाप्रथाद्वारा एकजना विजेता घोषणा गर्दै आइफोन १६ प्रदान गरिनेछ । यो योजना २०८२ वैशाख १ देखि २०८२ वैशाख ३१ गतेसम्म सञ्चालन हुने बैंकले जनाएको छ  ।