काठमाडौं । नेपाली कांग्रेसका सांसद गगन थापाले अर्थतन्त्रमा अप्ठेरो परेको बेला पनि आईटी क्षेत्रले आशा देखाएको बताएका छन् ।

बाह्रखरी मिडियाले शनिबार काठमाडौंमा आयोजना गरेको ‘एनसेल बाह्रखरी गल्फ तथा आर्थिक परिसंवाद’ कार्यक्रममा कार्यपत्र प्रस्तुत गर्दै महामन्त्री थापाले आईटी क्षेत्रमा नेपाललाई धेरै अवसर रहेको बताए ।

उनले नेपालमा आईसीटीको प्रमुख सम्भावना रहेकाले र यसलाई चाँडो काम गर्नुपर्ने बताए । केही समयअघि नास आईटीसँगको छलफलमा सरकारले सानो नीतिगत समस्या हल गरे पनि धेरै काम गर्न सकिने अवस्था रहेको बताए । उनले सरकारले त्यसलाई चाँडो हल गर्नुपर्ने बताए ।