काठमाडौं । भारतीय प्रधानमन्त्री नरेन्द्र मोदीले बंगलादेशका हिन्दुहरूको सुरक्षाको प्रश्न उठाएका छन् । थाइल्यान्डको बैंककमा आयोजित बिमस्टेक सम्मेलनका क्रममा बंगलादेशका अन्तरिम सरकारका प्रमुख मोहम्मद युनुससँगको साइडलाइन वार्ताका क्रममा उनले पछिल्लो राजनीतिक परिवर्तनपछि हिन्दुको सुरक्षाका विषयमा प्रश्न उठाएका हुन् ।

“मैले बंगलादेशमा शान्ति, स्थिरता, समावेशिता तथा लोकतन्त्रका लागि भारतको समर्थन दोहोर्‍याए,” मोदीले युनुससँगको तस्बिरसहित सामाजिक सञ्जाल एक्समा लेखेका छन्, “अवैध सिमा पारमा रोक लगाउने उपायका विषयमा चर्चा भयो । र, हिन्दु तथा अन्य अल्पसंख्यकको सुरक्षा र कल्याणका लागि आफ्नो गम्भीर चिन्ता पनि व्यक्त गरे ।” 

उनले भेटवार्ता रचनात्मक भएको उल्लेख गरेका छन् ।