काठमाडौं । एकनाले भरुवा बन्दुक एकथानसहित दुईजनालाई प्रहरीले पक्राउ गरेको छ । धनकुटाको साँगुरीगढी गाउँपालिका–८, सिन्कुलाबाट उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

पक्राउ पर्नेमा सोही ठाउँका ३२ वर्षीय तेजकुमार विक र ३८ वर्षका मानभा राई छन् । सोमबार (चैत १८) दिउँसो उनीहरूलाई पक्राउ गरिएको प्रहरीले जनाएको छ ।

धनकुटाकै ढुंग्रेबाट सिन्कुलातर्फ आउँदै गरेको प्र.१–०२–०४७ प १८८० नम्बरको मोटरसाइकलमा उनीहरू सवार थिए । सोहीक्रममा उक्त बन्दुकसहित फेला पारी उनीहरूलाई पक्राउ गरिएको प्रहरीले जनाएको छ ।