काठमाडौं । विश्व कविता दिवसको अवसर पारेर कविताको सामथ्र्य र उपयोगिताका विषयमा विचार गोष्ठी सम्पन्न भएको छ ।

शुक्रबार नुवाकोटमा सम्पन्न गोष्ठीमा निबन्धकार श्रीओम श्रेष्ठ रोदनले मानव मानवका बीचमा हुने विभेदलाई समाप्त पार्ने शक्ति कवितामा मात्रै हुने गरेको बताए ।

साहित्यकार श्याम प्रधानले विश्वमा बढ्दै गएको द्वन्द्व र अशान्तिलाई अन्त्य गर्न कविता सजिलो माध्यम भएको उल्लेख गरे ।

साहित्यिक पत्रकार संघका अध्यक्ष कवि राधेश्याम लेकाली, जयदेव भट्टराई, प्रद्युम्न जोशी, ठाकुर बेलवासेले कविता वाचनकासाथै कविताबारे आफ्नो विचार व्यक्त गरेको लेकालीले जानकारी गराए ।