काठमाडौ । बायर्न म्युनिखले टोलीका रक्षात्मक मिडफिल्डर जोसुवा किमिचसँगको सम्झौता नवीकरण गरेको छ । किमिचसँगको सम्झौता सन् २०२९ सम्मका निम्ति थपिएको बायर्नले जनाएको छ ।

सम्झौता नवीकरणसँगै किमिचले आफू बायर्नमा खुसी रहेको बताए । “एफसी बार्यन म्युनिखमा मैले मेरो खेलकुद लक्ष्य हासिल गर्न आवश्यक वातावरण पाएको छु,” उनले भने, “त्यसैले मेरो निर्णयको आधार नै यही थियो । म यहाँ आफ्नै घरजस्तो अनुभव गर्छु र बायर्नसँगको यात्रा समाप्त भएको छैन ।”

३० वर्षीय किमिच एक दशकअघि बायर्नमा अनुबन्ध भएका हुन् । बायर्नबाट उनले आठपल्ट बुन्डेस लिगासँगै समान एकपटक च्याम्पियन लिग र क्लब विश्वकपको उपाधि जितेका छन् ।