काठमाडौं । एनसेल नेपाल सुपर लिग (एनएसएल)को तेस्रो संस्करणका निम्ति ‘सी’ क्याटागोरीका खेलाडीको ड्राफ्ट सम्पन्न भएको छ । एनएसएलका सातै टिमले आइतबार (फागुन २५) ‘सी’ क्याटागोरीका खेलाडी छनोट गरेका हुन् ।

लिगका निम्ति प्रत्येक टिमले चार खेलाडी छानेका छन् । ड्राफ्टमा ९४ खेलाडी ‘सर्टलिस्ट’ गरिएको थियो । त्यसबाट कुल २७ जना छानिएका हुन् । पोखरा थन्डर्स एफसीले एक खेलाडी रिटेन गरेको छ ।

प्रतियोगिताको तेस्रो संस्करणमा झापा एफसी, ललितपुर सिटी एफसी, काठमाडौं रेजर्स एफसी, धनगढी एफसी, बुटवल लुम्बिनी एफसी, पोखरा थन्डर्स एफसी र एफसी चितवनले प्रतिस्पर्धा गर्नेछन् ।

सातै टिमले यसअघि नै ‘ए’ र ‘बी’ क्याटागोरीका खेलाडी अनुबन्ध गरिसकेका छन् ।

यस्तो छ ‘सी’ क्याटागोरीको सूची–
बुटवल लुम्बिनी – सुमन श्रेष्ठ, निसाङ लिम्बू, खेमराज श्रेष्ठ र मनीष सेडाइँ
धनगढी एफसी – अमृत श्रेष्ठ, रोहन खड्गी, हरिसराज भथित्ता र सन्तोष महत
चितवन एफसी – विवेक गुरुङ, शिशिर चौधरी, विशाल स्याङतान र प्रदीप भण्डारी
झापा एफसी – सिर्जन दानी, आरोन थापा, श्याम मुर्मु र अभिषेक गुरुङ
काठमाडौं रेजर्स – भरत चौधरी, मौसम लुंगेलीमगर, पुस्कर खड्का र पेम्बा दोर्जे लामा
ललितपुर सिटी – मनोज राई, पवन शाही, दिपेश घले र अनिस क्षेत्री
पोखरा थन्डर्स – नरेश चौधरी (रिटेन्ड), गौरव श्रेष्ठ, सकेल रेग्मी र प्रविनकुमार सुनार ।