विराटनगर । नेकपा (एमाले) मोरङको नयाँ कार्यसमिति चयन गर्न भोलि (मंगलबार) निर्वाचन हुने भएको छ ।

प्रमुख निर्वाचन अधिकृत सुरेशलाल श्रेष्ठले बताएअनुसार बिहान ९ बजेबाट मतदान प्रक्रिया थाल्ने तयारी छ । "मनोनयन दर्तामा भएको ढिलाइ र अन्य प्राविधिक कारणले सोमबार निर्वाचन गर्न सकिएन," उनले भने ।

संस्थापन पक्षबाट अध्यक्षमा राजकुमार ओझा, उपाध्यक्षमा शान्ति लिम्बू भुजेल, सचिवमा रविन थापा, उपसचिवमा शिल्पा निराला कार्की र इर्जालाल राजवंशीको उमेदवारी परेको छ ।

इतर पक्षबाट अध्यक्षमा अजम्बर राई, उपाध्यक्षमा सागर थापा, सचिवमा सोमराज थापा, उपसचिवमा सन्तोष वान्तवा र उषा झाले उमेदवारी दिएका छन् ।  

जिल्ला कमिटीमा पदाधिकारी तथा सदस्यहरू गरी १६५ सदस्यीय नयाँ कार्यसमिति चयन हुनेछ ।