काठमाडौं । प्रधानमन्त्री केपी शर्मा ओलीले लुम्बिनी प्रदेशले संघीयताले विकास गर्न सक्छ भन्ने देखाएको बताएका छन् । लुम्बिनी प्रदेशसभामा सोमबार विशेष सम्बोधन गर्दै उनले संघीयतामाथि प्रश्न उठिरहेका बेला विकास गरेर देखाएको बताए । 
 
“संघीयता फाप्ला कि नफाप्ला, संघीयताले उपलब्धी देला कि नदेला, संघीयता काम लाग्ला कि नलाग्ला भन्ने अनेक प्रश्न भइरहेका बेला यो प्रदेशले संघीतयाले विकास गर्न सक्छ भन्ने देखाएको छ,” उनले भने ।
 
ओलीले राजधानी कसरी निर्माण गर्न सकिन्छ, सभाहलमा कसरी सभा गर्न सकिन्छ भन्ने लुम्बिनी प्रदेशले देखाएको बताए । 
 
आफ्नै मुख्यमन्त्री, सभामुख, मन्त्रीको कार्यालयलगायत संचरना निर्माण गर्न कसरी सकिन्छ भन्ने पनि देखाएको उनले बताए ।
 
कसैले कल्पना नगरेको ठाउँमा राजधानी स्थापना भएको उनको भनाइ छ । प्रदेशसभा राजधानी बनाउन मात्रै केन्द्रित नभएको बताए । यातायात, अन्तर्राष्ट्रिय विमानस्थल भव्य ढंगले बनाएको बताए । पुल र चौडा बाटो बनेको प्रधानमन्त्रीको भनाइ छ ।